اولیکو چترال اوپن شطرنج ٹورنامنٹ‘ گوازی گر وسیم اکرم چمپئن مس

0

Get real time updates directly on you device, subscribe now.

چترال (مانیٹرنگ ڈیسک) اولیکو چترال اوپن شطرنج ٹورنمنٹ ایسر مس۔ ٹورنامنٹ اٹ لاہور نا وسیم اکرم چمپئن گچین مس وخت اس کہ فیصل آباد نا محمد شہزاد ارٹمیکو پوزیشن ءِ دوئی کرے۔ ایسری دود آتا وخت آ ڈسٹرکٹ سپورٹس آفیسر عبدالرحمت خاص انگا مہمان ئس ہرا گوازی گر تے ٹی ٹرافی، کپ و نقد انعام بشخ و پانٹ کرے۔ دود آن تران کرسا عبدالرحمت پارے کہ چترال اٹ شطرنج نا گوازی گر تے ٹی بھاز ٹیلنٹ ساڑی ارے، ولے اوفتے وارخواہی رسینگپک۔ دا بندغ آک اسہ کرایہ نا کمرہ سے ٹی تولسا شطرنج گوازی کیرہ، اوفتے بھاز زوت چترال اٹ سرکاری کہول آ اسہ اسٹیڈیم اس جوڑ کننگک۔ او پڑو کرینے کہ او شطرنج نا گوازی ءِ شون تننگ کن ہر سال لکھ روپئی نا گرانٹ ایتک۔ ٹورنامنٹ نا چمپئن وسیم اکرم تینا خوشی نا درشانی تون اوار اوار دا ہیت آ اُست ہسونی نا درشانی ءِ کرے کہ پاکستان اٹ شطرنج نا گوازی ءِ دا وخت اسکان حکومتی سرپرستی دوئی اف وخت اس کہ داڑے دا گوازی چوری ءِ۔ او پارینے کہ روس و یورپ نا ایلو ملک آتیٹی شطرنج ءِ سکول نا کہول آ چُناتے ہیل تننگک او ہندن ءُ بندغ ہم ساڑی اریر ہرافتا مسہ چُنا ورلڈ چمپئن جوڑ مسنو۔

Get real time updates directly on you device, subscribe now.

Leave A Reply

Your email address will not be published.