ٹیم تون یورپا فٹ بال کپ ٹورنامنٹ نا ٹائٹل ءِ کٹنگ نا جوان ءُ وارخواہی اس ارے‘ہیڈ کوچ سیویلا

کولون (مانیٹرنگ ڈیسک) یورپا فٹ بال کپ ٹورنامنٹ نا فائنل کن کوالیفائی کروک آ سیویلا نا ٹیم نا ہیڈ کوچ جولین لوپٹیگوئی ارگوٹ پارینے کہ ٹیم تون ریکارڈ ششمیکو وار یورپا فٹ بال کپ ٹورنامنٹ نا ٹائٹل ءِ کٹنگ نا جوان ءُ وارخواہی اسے۔ او پارینے کہ ٹارگٹ نا دوئی کننگ کن گوازی گرتا لائخی تیان زیات پرفارم کروئی تمک۔ اونا ٹیم جوان وڑ اٹ فٹ و جوان فارم اٹی ءِ او یورپا فٹ بال کپ ٹورنامنٹ نا فائنل کن تیاری تیٹی اختہ ءِ۔ جولین لوپٹیگوئی ارگوٹ تینا بیان اسے ٹی پارینے کہ ننا ٹیم کیہی وار یورپا فٹ بال کپ ٹورنامنٹ نا ٹائٹل ءِ کٹانے۔ او فائنل کوالیفائی کننگ اسکان گوازی کروک آ میچ آتیٹی تینا ٹیم نا کارکڑد آن مطمئن ءِ۔ او پارینے کہ اونا ٹیم فائنل کن جوان تیاری تیٹی اختہ ءِ۔ 53 سال نا جولین لوپٹیگوئی ارگوٹ پارینے کہ اونا ٹیم تون ششمیکو وار یورپا فٹ بال کپ ٹورنامنٹ نا ٹائٹل ءِ کٹنگ نا جوان ءُ وارخواہی اس ارے او ٹائٹل نا دوئی کننگ کن گوازی گر تے جوان گوازی کروئی تمک۔ سیویلا فٹ بال کلب نا ٹیم داکان مست پنچ وار یورپا فٹ بال کپ ٹورنامنٹ نا ٹائٹل ءِ تینا پن آ کرینے۔ سیویلا نا ٹیم یورپا فٹ بال کپ ٹورنامنٹ نا سیمی فائنل اٹ مانچسٹر یونائیٹڈ ءِ سخت مقابلہ غان پد 2-1 گول اٹ بے سہب کرسا ایونٹ نا فائنل گوازی کننگ نا اعزاز ءِ دوئی کریسُس۔ کلب نا ہیڈ کوچ مستی پارینے کہ اونا ٹیم آن داکان مست میچ آتیٹی ہرا ردیک مسنو اوفتے فائنل اٹ کپک۔ یات سلے کہ سیویلا و انٹر میلان نا ٹیم تا نیام اٹ یورپا فٹ بال کپ ٹورنامنٹ نا فائنل میچ 22 اگست آ جرمنی ٹی کے رائن اینرجی سٹیڈین اسٹیڈیم، کولون اٹ گوازی کننگک۔