یونس خان نا عہدہ ٹی ودکی کارکڑد نا جوانی تون تفوک

کراچی (مانیٹرنگ ڈیسک) قومی کرکٹ ٹیم تون انگلینڈ اٹ ساڑی بیٹنگ کوچ یونس خان تون اوار ٹیم انتظامیہ اٹ اوار انگا کمامدار آتا آخبت نا فیصلہ اونا کارکڑد تون گنڈوک ءِ۔ میڈیا رپورٹ نا رداٹ یونس خان تون انگلینڈ ٹور آن پد مرغن ءُ معاہدہ اس کننگ کیک ولدا ہم پی سی بی کمامدار آتا پاننگ ءِ کہ فی الحال دا معاملہ غا سجفنگ اٹی افس انتئے کہ یونس خان داسہ تینا اولیکو زمواری تے پورو کننگ اٹی ءِ۔ وخت اس کہ دورہ نا ایسری آ دا بارواٹ سجفنگک۔ کمامدار آتا رداٹ کہ ہیڈ کوچ مصباح الحق اگہ یونس خان نا کارکڑد آن مطمئن ءِ ولے اونا بطور بیٹنگ کوچ کارکڑد و دورہ ٹی ایلو اسٹاف و پلیئر تتون اونا رابطہ غاتا جاچء ِ فیصلہ اس ممکن ارے۔ یونس خان بطور بیٹنگ کوچ تینا زمواری تے گچین وڑاٹ پورو کننگ اٹی ءِ او قومی بیٹسمین تتون اونا خواری او جوان تعلقداری آن ہم نمن مننگ ممکن اف ولدا ہم انگلش ٹور اٹ ہیڈ کوچ مصباح الحق نا کارکڑد اٹ ہم سوج ہرفنگ انگ ءِ ہرانا کل آن بھلا سوب بطور چیف سلیکٹر اونا اظہرعلی ءِ ٹیسٹ کیپٹنی ءِ تننگ نا فیصلہ ہم ارے۔