پاکستان نا دورہ ءِ کننگ آ کنے خوشی رسینگک‘جوئے روٹ

لاہور (مانیٹرنگ ڈیسک) انگلینڈ کرکٹ ٹیم نا ٹیسٹ کیپٹن جوئے روٹ پارینے کہ اودے پاکستان نا دورہ ءِ کننگ اٹ خوشی رسینگک، او جاگہ نا وکٹ آک فلیٹ او دا جاگہ نا نسبت جتا ءِ، ہراڑا بیٹنگ کننگ او پسند کیک، دورہ نا فیصلہ ءِ کننگ اونا اختیار اٹی اف ولے ہراتم مریک اودے جندی وڑ اٹ پاکستان آ ہننگ پسند مریک۔ ساوتھمپٹن آن آن لائن پریس کانفرنس نا وخت آ سوج اسے نا ورندی ٹی انگلش ٹیسٹ ٹیم نا کیپٹن پارینے کہ پاکستان اسہ گچین ءُ ملک اسے، اوڑے ہراتم ٹیسٹ کرکٹ پدی بسوسُس تو اُلس نا جوزہ غاتے ہننگ آن تعلق تخاکہ۔ او گوازی گر تیان ہم ہرفیسُس کہ پاکستان اٹ ولدا گوازی کننگ آ امر لگانے، کل انا ہندا پاننگ ئس کہ بھاز گچین تکان تے۔ یات سلے کہ انگلینڈ نا ہچ ءُ ٹیم اس 2005 آن پد پاکستان نا دورہ ءِ کتنے ولدا ہم کورونا وائرس حالیت آتیٹی سخت انگا حالیت آتیان پد ہم پاکستان انگلینڈ ٹیم نا اینخو دورہ ءِ کرے اوکان پد پی سی بی نا سی ای او وسیم خان و مسکوہی کیپٹن وسیم اکرم ہڑتوم آک پارینو کہ انگلینڈ ءِ پاکستان نا ورندی دورہ ءِ کروئی تمک۔