وڈھ جھیڑہ نا خیر اٹ نواب اسلم نا کڑد ستا کڑزک‘ ضیاء لانگو

کراچی :  وزیر داخلہ بلوچستان میر ضیاء اللہ لانگو وڈھ قبائلی جھیڑہ غا تینا اٹ پارینے کہ ای وڈھ نا ویل آ کل قبائلی کماش‘ خاص کر نواب اسلم رئیسانی، نوابزادہ حاجی لشکری رئیسانی، سرداراسلم بزنجو، مولوی قمر الدین، مولوی فیض صاحب، صوبائی اسمبلی نا باسک یونس زہری، صوبائی اسمبلی نا باسک زابد ریکی نا منتواری ءِ ہرفوہ ہرافک قبائلی وڑ اٹ وڈھ ویل ءِ ایسر کننگ نا کوشست ءِ کریر۔ میر ضیاء اللہ لانگو نا پاننگ ئس کہ ای ہڑتوم آ فریق آتا منتواری ءِ ہرفوہ ہرافک کمک کرینو۔ مستی نن دا اومیت کینہ کہ ہڑتوم آ فریق آک جنگ بندی آ پورو وڑاٹ عمل کیرہ و ویل انا ایسری اسکان ہڑتوم آ فریق آک ہچ ُ دُن ءُ گام اس ہرفپسہ ہراڑان بلوچ قوم ءِ نسخان اس رسینگے۔

(خ ن)