اِرا ملکی شاری نا باندات عدالت آ کاوہ، شاہد خاقان عباسی

0

Get real time updates directly on you device, subscribe now.

اسلام آباد (آن لائن)مسلم لیگ (ن) نا سینئر راہشون و مسکوہی وزیر اعظم شاہد خاقان عباسی پارینے کہ اِرا ملکی شاری تا باندات نا ویل آ وزیر اعظم نا بیان نا انتظار کننگ اٹی اُٹ ولے اوفک درملکی اسے کابینہ ٹی تولفنگ نا مخ تفی ءِ کرے تو عدالت آ کاوہ، پاکستانی شاری اس پارلیمنٹ نا باسک اس مننگ کیک، دا وخت آ کابینہ پاکستان نا ءِ او بندغ آک درملکی ءُ، سپریم کورٹ نا فیصلہ آن پد نیب ءِ چٹفے تو جوان ءِ، نا اہل حکومتی پالیسی تا سوب آن ملک اٹ بے روز گاری عام و زرگزران بھس مسنے حکومت تون اگہ اکثریت ارے تو وخت ءِ تینا پورو کے۔ دا خیال آتا درشانی ءِ او تدوک آ دے نجی ٹی وی ءِ خصوصی انٹرویو ترسا کرے۔ مسکوہی وزیر اعظم شاہد خاقان عباسی پارینے کہ خواجہ سعد رفیق کیس اٹ سپریم کورٹ نا تفصیلی فیصلہ غان پد نیب انا اُلس نا مون آ راستکی پاش مسنے، تفصیلی فیصلہ غان پد نیب نا مننگ نا ہچ ءُ گنجائشت اس اف، جوان ءِ دا ادارہ ءِ چٹفنگے، پارلیمنٹ نا باسک بیرہ پاکستان نا شاری اس مننگ کیک، کابینہ پاکستان نا ءِ، باسک آک پین ملک اسے نا ءُ، کابینہ نا ٹیبل آ تولوئی ءِ تو اِرا ملکی شاری گری ءِ چٹفوئی تمک۔ 

Get real time updates directly on you device, subscribe now.

Leave A Reply

Your email address will not be published.