آرمی چیف تون قطری سفیر شیخ سعود بن عبدالرحمان الثانی نا اوڑدہی
Get real time updates directly on you device, subscribe now.
راولپنڈی(آن لائن)آرمی چیف جنرل قمر جاوید باوجوہ تون قطر انا سلاہکار شیخ سعود بن عبدالرحمان الثانی تدوک آ دے جی ایچ کیو اٹ اوڑدہی کرے۔ آئی ایس پی آر نا رداٹ اوڑدہی ٹی ہڑتوم آ کنڈ آتیان اُست خواہی و جتا جتا بشخ آتیٹی کمک آتے ودفنگ آ ہیت وگپ کننگا۔ آرمی چیف قطر نا سلاہکار ءِ عہدہ سنبھالنگ آ مبارکباد پیش کرے و اومیت کرے کہ اونا کماشی ٹی ڈیہہ اٹ امن و استحکام اٹ جوانی و اقتصادی شونہالی نا اواری نا مسخت نا دوئی کننگ کن پاکستان و قطر نا تعلقداری پین مستی ودک۔ قطری سلاہکار ڈیہہ اٹ امن و ایمنی کن پاکستان نا برجا انگا کوشست آتا ستا ءِ کرے و ہڑتوم آ ملک آتا نیام اٹ جوان تعلقداری کن کاریم کننگ نا اُست خواہی نا درشانی ہم کننگا۔