کوویڈ۔ 19 ویکسین ءِ اتنگ کن چین اتون کاریم کننگ کن تیار اُن، ٹرمپ
Get real time updates directly on you device, subscribe now.
واشنگٹن (اے پی پی) امریکی صدر ڈونلڈ ٹرمپ پارینے کہ اونا انتظامیہ چین اتون اوار ہرملک اتون اواری اٹ کوروناوائرس (کوویڈ۔ 19) ویکسین ءِ اتنگ کن تیار ءِ۔ کوویڈ۔ 19 ویکسین ءِ مہالو اتنگ کن چین اتون کاریم کننگ نا سوج انا ورندی ٹی ٹرمپ سے شنبے نادے آ پارے” جوان ءُ بھرم اس دوئی کننگ کن نن ہر ملک اتون اواری اٹ کاریم کننگ کن تیار اُن“۔ اوپارے کہ نن ویکسین تیار کننگ و دوائی تا تیاری ٹی بھاز جوان کاریم کننگ اُن۔ اوپارے کہ اومیت کننگ انگ ءِ کہ دا ویکسین اومیت آن کیہی زیات مہالو بریک و دا الس کن دمدستی وڑاٹ دستیاب مریک انتئے کہ امریکی فوج دادے سرکننگ اٹ کمکار مریک۔