روس انا یوکرائن آ میزائل جلہو،9 بندغ زوال، 30 ٹھپی
Get real time updates directly on you device, subscribe now.
ماسکو: روس انا یوکرین آ میزائل جلہو تے ٹی 9بندغ زوال سی آن زیات ٹھپی مسر‘ درملکی خبر رساں ادارہ نا رد اٹ یوکرینی کمامدار پارینے کہ روس دارالحکومت کیف آ 21 ایرانی جوڑ کروک ڈرون اٹ جلہو کرے ہرافتیان 16 ڈرون ءِ خلنگا۔ میڈیا رپورٹ نا رد اٹ روس ننکان فضائی جلہو تے ٹی یوکرین ءِ شست کرے‘ زوال مروک آتے ٹی کودک ءُ چنا ہم اوار ارے۔ روس انا کنڈآن طاقتور فضائی کارروائی ہمو وخت آ کننگا ہراتم روسی صدر ولادیمیر پیوٹن تینا مہمان و سنگت چینی صدر شی جن پنگ ءِ رسخت کریکہ۔ روسی فضائی جلہو تیا ردعمل ترسا یوکرینی صدر ولودومیر زیلنسکی پارینے کہ یوکرین ہر جلہو نا پبی ورندی ایتک‘ روسی جلہو تا فوجی، سیاسی وکانودی وڑ اٹ ورندی ایتنہ‘ او پارے کہ روسی دہشت گردی ءِ ترندی اٹ شکست تننگ و انسانی جان تا رکھ اکن دنیا ءِ زیات سیوت و عزم انا گرج ءِ۔
(آن لائن)