وویمن یونیورسٹی تون ننا بروک آ چین تا زند گنڈوک ءِ‘ عبدالولی کاکڑ

کوئٹہ : گورنر بلوچستان ملک عبدالولی خان کاکڑ پارینے کہ وویمن یونیورسٹی ٹی تعلیم دوئی کروک آ طالبعلم آتے آخبت ءِ رکھ کننگ و اوفتے اسہ جانجوڑ ءُ تعلیمی چاگڑد اس فراوان کننگ کن ننے جرآتمندانہ فیصلہ کروئی تمک۔ او وویمن یونیورسٹی نا کل ٹیچنگ اسٹاف و انتظامی ذموار آتیا زور شاغا کہ او جند انا پسند و ناپسند آن اینک مرسا دا اعلیٰ تعلیمی ادارہ و طالبعلم آتا آخبت ءِ رکھوک کننگ کن تینا بشخ انا کڑد ءِ ادا کرے۔ او دو ٹوک لوز آتیٹی پاش کرے کہ وویمن یونیورسٹی آن ننا بروک آ چین تا زند ہم گنڈوک ءِ۔ نن ہچ ءُ حالیت اسے ٹی اوفتے آ ہچ اس ہم ہلیپنہ۔ دا ہیت ءِ او تدوک آ دے گورنر ہاوس کوئٹہ ٹی وائس چانسلر سردار بہادر خان وویمن یونیورسٹی ڈاکٹر ساجدہ نورین نا کماشی ٹی ڈل اتون ہیت وگپ کرسا کرے۔ او وخت آ گورنر بلوچستان پارینے کہ زند انا ہر بشخ اٹ آئین و کانود نا پاسداری ءِ کرسا نن جوان ءُ نتیجہ دوئی کینہ۔

(خ ن)