ایری لاڑہ پولیس چوکی آ سم کاری کروک آبندغ ءِ اوستہ محمد ریلوے پھاٹک آ دزگیر کننگا

0

Get real time updates directly on you device, subscribe now.

اوستہ محمد (آن لائن) ایری لاڑہ پولیس چوکی آ سم کاری کروک آبندغ ءِ اوستہ محمد ریلوے پھاٹک آ دزگیر کننگا‘ مقدمہ درج‘ حوال نارد اٹ تدوک آ دے ایری لاڑہ پولیس چوکی آ پولیس چیکنگ کریکہ کہ اسہ ڈبل کیبن اسے پولوس سلنگ نا اشارہ کرے تو دا گاڈی ءِ توننگ ناجاگہ غا پولیس آ سم کاری کرے ہرانا سوب آن پولیس اودے تُد تما و ایس ایچ او سٹی مقبول جمالی ءِ ڈہ تس ہراڑا جیکب آباد ریلوے پھاٹک آ پولیس اودے تورسا ماجد علی جویا پنی آ بندغ ءِ دزگیر کرے‘ دوبہ دار آن اسہ ٹی ٹی پسٹول اس ہم دوئی کننگا و ڈبل کیبن گاڈی ءِ ہم بند کننگا۔ ایس ایس پی دوبہ دار نا برخلاف دمدستی مقدمہ درج کننگ ناپارت کرے۔ اوپارے کہ ہرا بندغ کانود نا احترام ءِ کپک اودے کانود نا کٹہرے ٹی سلوئی مریک۔ ایس ایچ او مقبول جمالی پارے کہ کانودآن کس بھلن اف او پارے کہ پولیس نا رٹ ءِ ہر حالا ٹ بحال کننگک۔

Get real time updates directly on you device, subscribe now.

Leave A Reply

Your email address will not be published.