کوہلو ‘لیویز فورس اناکنڈآن شار انا گلی کوچہ غاتے ٹی جراثیم کش اسپرے کننگ انگ ءِ

0

Get real time updates directly on you device, subscribe now.

کوہلو (آن لائن )کورونا وائرس ناسوب آن کوہلو ٹی لیویز فورس اناکنڈآن شار انا گلی کوچہ غاتے ٹی جراثیم کش اسپرے کننگ انگ ءِ‘ دا وخت آ رسالدار میجر لیویزشیر محمد مری پارے کہ لیویز فورس اناکنڈآن کورونا وائرس نا سوب آن شار انا جتا جتا گلی کوچہ نیوکلی، مری کالونی، پیپلز کالونی، مری آباد، مدینہ کالونی، کلی فیروزئی، کلی فیض محمد چرمئی، آزاد شہر، کلی سردار فیروز خان، ہسپتال کالونی تون اوار جتا جتا گلی کوچہ غاتے ٹی ہڑدے نابنداو آ سہب وشام لیویز نا اِرا گاڈی جراثیم کش اسپرے کننگ اٹی ءُ تاکہ سَفائی ناحالیت ءِ برجا تخنگ مرے۔ اوپارے کہ کورونا وائرس نا رکھی گام گیج آتا بابت لیویز ناکنڈآن بلوچی ٹی شار انا جتا جتا علاقہ غاتے ٹی لاﺅڈ اسپیکر آتے ٹی پڑو کننگ انگ ءِ تاکہ بندغ آک تینا اُراتے ٹی مریر و بے کاریم آن بازار آبفس۔

Get real time updates directly on you device, subscribe now.

Leave A Reply

Your email address will not be published.