حکومت کورونا وائرس نا توننگ کن گام گیج کننگ اٹی ءِ‘ عبداللہ کھوسہ

کوہلو (آن لائن) ڈپٹی کمشنر کوہلو عبداللہ کھوسہ پارینے کہ حکومت کورونا وائرس نا توننگ کن گام گیج کننگ اٹی ءِ‘ الس نا کمک اٹ کورونا وائرس نا مون ءِ توننگ مریک‘ ہر اسٹ تینا جانجوڑی و سَفائی نا خاص خیال ءِ کے‘ اُراتیان پیش تمپ‘ دا گام گیج آک الس نا جوانی ورکھ اکن ءُ۔ دا خیال آتادرشانی ءِ او کورونا وائرس نا گمانی خلیس نا سوب آن جوڑ کروک رضاکار آتا ٹیم تیان تران کرسا کرے۔ ڈپٹی کمشنر پارے کہ مشکل نا دا ساہت اٹ ہم وطن تا کنڈآن رضاکارانہ وڑ اٹ ملک و قوم انا خذمت و رکھ اکن تینے وقف کننگ قومی یکجہتی نا شاہدی ءِ‘ مچ آقوم کورونا وائرس نا برخلاف حکومت تون سلوک ءِ‘ طبی چاہندار آتا پاروک رکھی گام گیج آتے تینائی کرسا نن دا ناجوڑی آن بچنگ کینہ‘ ہر خوانندہ و پامدار بندغ نا زمواری مریک کہ او حکومت نا کلہو ءِ ہر اُرا اسکان سر کے‘ رضاکار آک تینا تینا علاقہ غاتے ٹی الس ءِ رکھی گام گیج آتیان معلومدار کیر۔