شہید بینظیر بھٹو بلڈبینک ویلفیئر سوسائٹی بلوچستان ناکنڈآن ماسک بشخ وپانٹ کننگا
Get real time updates directly on you device, subscribe now.
بھاگ (آن لائن) شہید بینظیر بھٹو بلڈبینک ویلفیئر سوسائٹی بلوچستان ناکنڈآن تینا کمک تینٹ تنظیم نا صدر حسین بخش سولنگی، جنرل سیکرٹری ملک محمدابراہیم شاہوانی اسک بندغ آتے ٹی کورونا وائرس آن بچنگ کن سَد آتا کچ اٹ ماسک بشخ وپانٹ کریر و الس ءِ دا ناجوڑی آن بچنگ کن رکھی گام گیج آتیان معلومدار کریر۔ اوپاریر کہ مچ آدنیا دا وخت ءِ دا خطرناک انگا ناجوڑی زہمی کرینے‘ مصیبت نا دا ساہت اٹ مچ آقوم سیوت کرسا حوصلہ و ہمت اٹ دا ناجوڑی نا چٹفنگ کن تینا کڑد ءِ ادا کے‘ راج انا ہر بندغ گلی و محلہ نا کہول آ تینا تینا علاقہ غاتے ٹی الس ءِ داناجوڑی نا چٹفنگ کن رکھی گام گیج آتیان معلومدار کے۔ او حکومت و ازگار بندغ آتیان خواست کرے کہ او مزور تّپہ و دیہاڑی کروک آتا کمک ءِ کیر انتئے کہ دیہاڑی کروک آ مزورک داوخت آ بھاز فریشان ءُ۔