دکی، لورالائی، موسی خیل، زیارت، ہرنائی و سنجاوی ٹی بجلی نالوڈشیڈنگ گڑتی ناسوب ءِ‘سردار یعقوب ناصر

0

Get real time updates directly on you device, subscribe now.

کوئٹہ (آن لائن) پاکستان مسلم لیگ (ن)نا بنجائی سینئر نائب صدر و سینیٹ نا قائمہ کمیٹی برائے بین الصوبائی رابطہ نا چیئرمین سینیٹر سردار یعقوب خان ناصر دکی، لورالائی، موسی خیل، زیارت، ہرنائی و سنجاوی ٹی بجلی نا بھلا و غیراعلانیہ لوڈشیڈنگ آ گڑتی درشان کرسا پارینے کہ کیسکو الس ءِ خارتننگ و کشارگر آتا ٹھپ آتیا بے چٹ تننگ ناجاگہ غا بجلی نا مست انا شیڈول ءِ بحال کے‘ کیسکو نا دکی ٹی 24گھنٹہ ٹی آشاری تے بیرہ 3 گھنٹہ بجلی نا فراوانی و بھاز بل ہلنگ آن الس خار اٹ بننگ اٹی ءِ، کیسکو چیف حالیت آتا دمدستی نوٹس ءِ ہلسا بجلی نافراوانی نا مست انا شیڈول ءِ بحال کے‘ دا خیال آتا درشانی ءِ او دکی نا ڈل آتون ہیت وگپ کرسا کرے۔او پارے کہ اسہ کنڈآ الس کورونا وائرس ناسوب آن فریشان ومشکل اٹی ءِ تو ایلو کنڈآ الس ءِ ریلیف رسیفنگ ناجاگہ غا کیسکو شاری تے خار تننگ اٹی ءِ ہراکہ اسُل جوان اف۔

Get real time updates directly on you device, subscribe now.

Leave A Reply

Your email address will not be published.