کورونا وائرس بلوچستان و ملک اٹ دَین آنبار تالان مننگ اٹی ءِ‘ منظور کاکڑ

0

Get real time updates directly on you device, subscribe now.

کوئٹہ (آن لائن) بلوچستان عوامی پارٹی نا بنجائی جنرل سیکرٹری سینیٹر منظوراحمدکاکڑ پارینے کہ کورونا وائرس بلوچستان و ملک اٹ دَین آنبار تالان مننگ اٹی ءِ‘ ہندا سوب آن الس کورونا وائرس آن بچنگ کن غٹ رکھی گام گیج آتے تینائی کے و حکومت ناکنڈآن کروک فیصلہ غاتیا عملدرآمد کے تاکہ کورونا غان بچنگ مرے۔ حکومت بلوچستان کورونا وائرس آن بچنگ کن جزوی لاک ڈاﺅن تون اوار انت کہ گام گیج کرینے او ستا کڑزرہ‘ اپوزیشن سیاست کننگ نا جاگہ غا مشکل نا دا ساہت اٹ حکومت تون تفے۔ وزیراعلیٰ جام کمال سیوتی تتون اوار کوروناوائرس نا بابت ہلہلہ ئی بنداو آ گام گیج کننگ اٹی ءِ ۔ محکمہ پی ڈی ایم اے و محکمہ جانجوڑی نا کنڈآن کوئٹہ و تفتان اٹ رہینگوک زائر آتے آسراتی فراوان کننگ انگ ءِ وخت اس کہ پاک فوج ہم بلوچستان حکومت تون سلوک ءِ۔ دا خیال آتا درشانی ءِ او میڈیا تون ہیت وگپ کرسا کرے۔ سینیٹر منظور کاکڑ پارے کہ ساڑی حالیت اٹ سیاسی اختلاف آتے اسہ کنڈ کرسا اسہ پیج آ مننگ المی ءِ‘ غٹ اختلاف آتے است آن دَرسا ساڑی حالیت اٹ اسہ چھتری نا شیف آن مچ مروئی مریک انتئے کہ ملک اٹ دَین آنبار تالان مننگ اٹی ءِ کیس تے ٹی دے پہ دے آ ودکی مننگ اٹی ءِ۔ ہندا سوب آن الس‘ سیاسی جماعت، پوریاگر برادری‘ سول سوسائٹی تون اوار ہر تپّہ نا بندغ آتیان خواست کینہ کہ ساڑی حالیت آتے ٹی غٹ رکھی گام گیج آتے تینائی کننگے ہرافتے جانجوڑی نا جہانی ادارہ ناکنڈآن پاننگانے۔

Get real time updates directly on you device, subscribe now.

Leave A Reply

Your email address will not be published.