ہرنائی ٹی واپاری ہند آتے مسہ ہفتہ کن پورو وڑ اٹ بند کننگ نا فیصلہ کننگانے،ڈی سی

0

Get real time updates directly on you device, subscribe now.

ہرنائی (آن لائن) ڈپٹی کمشنر ہرنائی عظیم جان دمڑ پارینے کہ صوبائی حکومت نا پرمان آ کورونا وائرس نا توننگ و رکھی گام گیج آتیکن ضلعی انتظامیہ ناکنڈآن ہرنائی و شاہرگ شار و ایب کیب اٹ چنکا بھلا شاپنگ مال، مارکیٹ ، موبائل نا دکان تتون اوار واپاری ہند آتے مسہ ہفتہ کن پورو وڑ اٹ بند کننگ نا فیصلہ کننگانے‘ دا فیصلہ ءِ انجمن تاجران، محکمہ جانجوڑی و ضلعی انتظامیہ نا اسیجائی دیون اٹ کننگانے۔ ڈپٹی کمشنر عظیم جان دمڑ پارے کہ غٹ ریسٹورنٹ آک 3ہفتہ اسکان بیرہ اُراتیکن کنوئی ءُ گڑا فراوان کننگ کیرہ‘ پبلک ٹرانسپورٹ ءِ ہم 3 ہفتہ کن پورو بند کننگ نافیصلہ کننگانے و فروٹ،سُو، میڈیکل اسٹورز، پال/ انا دکانک ملوک مریرہ۔ اوپارے کہ 3ہفتہ اسکان اگہ کس اس واپاری ہندجاٹ آتے ملا تو اونا برخلاف سخت کارروائی کننگ‘3 ہفتہ اسکان شاری تے اُراتے ٹی رہینگ انگ نا پارت کننگانے۔اوپارے کہ شاری تا اُراتے ٹی رہینگ انگ اوفتیکن و نن کل اکن المی ءِ۔ اوپارے کہ کورونا وائرس نا سوب آن 42 بیڈ آ ساڑی آئسولیشن وارڈ جوڑ کننگانے۔ ڈپٹی کمشنر پارے کہ پیشن آن بروک بندغ آتا ضلع ٹی پترینگ انگ آ پورو رکھ خلنگانے۔ اوپارے کہ بروک آکسر تیا لیویز نا چیک پوسٹ جوڑ کننگانے ہراڑے سخت چیکنگ کننگ انگ ءِ۔او پارے کہ اگہ ضلع ٹی ایلو علاقہ غاتا بندغ‘ شاریک پکنک پوائنٹ آ ہرنائی شاہرگ اٹ خننگارتو لیویز نا کارندہ غاک اوفتا برخلاف کارروائی کیرہ۔

Get real time updates directly on you device, subscribe now.

Leave A Reply

Your email address will not be published.