لاک ڈاﺅن نافیصلہ ءِ الس ءِ کورونا وائرس آن بچفنگ کن کننگانے،نور محمد دمڑ

0

Get real time updates directly on you device, subscribe now.

ہرنائی (آن لائن) بلوچستان عوامی پارٹی نا راہشون صوبائی وزیر پی ایچ ای‘ واسا حاجی نورمحمد خان دمڑ پارینے کہ حکومت کوئٹہ تون اوار مچ آبلوچستان اٹ لاک ڈاﺅن نافیصلہ ءِ الس ءِ کورونا وائرس آن بچفنگ کن کرینے‘ ضلع زیارت وہرنائی ٹی ہم الس پوریاگر آتا سلاہ اٹ لاک ڈاﺅن نا فیصلہ کننگانے‘ الس 2 ہفتہ اسکان اُراتے ٹی مرے و ڈاکٹر آتا پاروک رکھی گام گیج آتیا سختی اٹ عمل کے‘ رکھی گام گیج آتیا عمل کننگ آن دا وائرس آن بچنگ مریک۔ پاکستان ناجوڑ کننگ کن قربانی تروک غٹ خاہوت آتا قربانی تاستاءِ کینہ‘ بروک آ چین تے شوندار کننگ کن پاکستان نا جوڑ کننگ نا جہد ءِ یات تخگ المی ءِ۔ دا خیال آتا درشانی ءِ او تینا بیان اسے ٹی کرے۔ او پارے کہ حکومت بلوچستان کوروناوائرس نا مون ءِ توننگ کن غٹ دوئی وسیلہ غاتے کاریم اٹ اتنگ اٹی ءِ۔ دا بیرہ ملک یا اسہ صوبہ سے نا ویل اف بلکہ دا وخت آ مچ دنیا ءِ د وائرس زہمی کرینے و ہرا ملک آتے ٹی رکھی گام گیج آتیا عمل کننگتو ہمورے بندغ آک زیات زوال مسر دُنکہ اٹلی نا حکومت نا کنڈ آن وار وار الس آن رکھی گام گیج آتا خواست کننگا ولے اٹلی نا الس عمل کتو ہراناسوب آن دا وخت آ کل زیات زوال اٹلی ٹی مسنے۔صوبائی وزیر حاجی نورمحمد دمڑ پارے کہ کورونا وائرس آن بچنگ نا اسٹ انگا کسر سیلف آئسولیشن ءِ‘ بندغ آک نئے بیرہ تینے بلکہ تینا اُرا والا و راج ءِ رکھنگ کن اُراتے ٹی مریر۔او پارے کہ دا وخت آ پاکستان ءِ کورونا وائرس کون آ چیلنج مون تروک ءِ دانا مون ءِ توننگ کن ہم ننے پامدار سیوت‘ زموارقوم آنبار انفرادی و جم وڑ اٹ تینا زمواری تے پورو کروئی مریک۔

Get real time updates directly on you device, subscribe now.

Leave A Reply

Your email address will not be published.