سویلی افریقی ٹیم نا کورونا وائرس نا گواچی مننگ نا گمان

ممبئی( آن لائن ) سویلی افریقی کرکٹ ٹیم نا ہمو ہوٹل اٹی رہنگ انگ نا پارینو ہراٹی کورونا وائرس نا گواچی مروک آ بھارتی گلوکارہ کنیکا کپور ساڑی ئس۔ اسہ آفیشل اس پارینے کہ کنیکا کپور اسہ دود اسے ٹی ہوٹل آ بسوسس او وخت آ او نہ بیرہ جتا جتا لابی تتون اوڑدہی کرے وخت اس کہ او ارغ ہم کنگ۔ حوال نا رداٹ او ہراوخت لکھنو نا ہوٹل اٹ ئس تو سویلی افریقی گوازی گرک ہم بھارت نا برخلاف ون ڈے میچ اکن ہموڑے ئسر ولدا ہم کورونا وائرس نا خلیس آ دا مقابلہ ءِ کینسل کننگا۔ دا بابت ہم کاریم کننگ انگ ءِ کہ سی سی ٹی وی فوٹیج نا جاچ ءِ ہلنگے کہ کنیکا کپور تون اخس بندغ نا حال احوال مس۔ یات سلے کہ سویلی افریقی گوازی گر سیریز نا کینسل مننگ آن پد تینا ملک آن بننگ آن پد کرنٹائن آ گدریفنگانے۔