کمار سنگارا برطانیہ آن پدی بننگ تون تینے کرنٹائن کرے

کولمبو( آن لائن ) مسکوہی سری لنکن کیپٹن و صدر ایم سی سی کمار سنگاکارا انگلینڈ آن پدی بننگ آن پد کولمبو ٹی تینے تنہا کرے۔ در ملکی خبر رساں ادارہ نا رداٹ 42 سال نا کمار سنگاکارا پارینے کہ ‘کنے ٹی کووڈ-19 نا ہچ ءُ نشانی اس پاش اف ولے حکومت نا پارت آتا رداٹ تینے کرنٹائن کرینٹ۔ او مستی پارے کہ ‘ای اسہ ہفتہ اس مست لندن آن داڑے سر مسٹ تو ای ٹی وی آ خناٹ کہ پارت کننگ انگ ءِ کہ کس اسے اگہ پیشن ملک آ ہنوئی ءِ او پولیس تون تینا پن ءِ درج کرفے او ولدا کرنٹائن اٹ کائے۔ مسکوہی کیپٹن پارینے کہ حکومت ہندا منہ وخت اٹ پیشن ملک آن بروک آتیٹی 3 بندغ آتیٹی کورونا وائرس نا پک مننگ نا پاننگانے۔ دا مسہ بندغ حکومتی کمامدار آتیان کورونا وائرس نا نشانی تے ڈکھارہ۔ مچ آ دنیا ٹی کہوک آتا کچ 14 ہزار آن گدرینگانے۔ وخت اس کہ سری لنکا ٹی 80 بندغ آتیٹی وائرس پک مسنے۔