محمد حفیظ شرجیل خان آ تنقید کننگ نا جاگہ غا تینا کرکٹ نا بابت سجفے‘ وسیم خان

0

Get real time updates directly on you device, subscribe now.

لاہور( آن لائن )شرجیل خان نا قومی ٹیم اٹ گمانی پدی بننگ نا مخالف پروفیسر ءِ جوان ہیت بنوئی تما، ہراتم چیف ایگزیکٹو پی سی بی وسیم خان دا پارے کہ محمد حفیظ ایلوفتا بارواٹ ہیت کننگ نا جاگہ غا تینا کرکٹ آ سجفے۔ یات سلے کہ 2015 ٹی ہم محمد عامر نا پدی بننگ نا مخالفت آن پد محمد حفیظ ءِ ہندنو حالیت اسے تون مون تروئی تما۔ ہرا اظہرعلی تون ملسا نیوزی لینڈ ٹور کن ٹریننگ کیمپ آن جتا مننگ نا پاریسر ولے پی سی بی نا نیام تمنگ آن پد ہڑتوم آتے محمد عامر تون انٹرنیشنل کرکٹ گوازی کروئی تماسس۔ شرجیل خان نا بابت محمد حفیظ نا اسہ ٹوئٹ اسے آ ردعمل نا درشانی ءِ کرسا وسیم خان پاریسُس کہ ساڑی گوازی گر جہانی کرکٹ نا بابت جتاجتا ویل آتیا ہیت کے ولے اودے دا موکل اف کہ او سوشل میڈیا آ ایلو گوازی گرتے آ تنقید کے۔ او دا خیال ءِ مون آ اتنگا کہ پی سی بی نا انت پالیسی اس مروئی تمے او انت اس مف انتئے کہ اونا فیصلہ پی سی بی ءِ کروئی ءِ۔ وسیم خان نا رداٹ او دا بارواٹ تینٹ محمد حفیظ تون ہیت کیک۔ دا اونا کننگ نا کاریم اس اف۔ انتئے کہ مچ آ دنیا ٹی دہن ءُ پین ہچ ءُ ورندی اس ملپک۔

Get real time updates directly on you device, subscribe now.

Leave A Reply

Your email address will not be published.