عمر اکمل آ اینٹی کرپش کوڈ نا خلاف ورزی نا فردجرم عائد

اسلام آباد (مانیٹرنگ ڈیسک) فکسنگ نا سلاہ خلنگ آن پد عمر اکمل ویجیلنس اینڈ سیکیورٹی ڈپارٹمنٹ ءِ معلومدار کتو او دا دوبہ نا سزا کم ازکم شش تُو آن مچ آ زند انا پابندی ءِ۔ پاکستان کرکٹ بورڈ ‘پی سی بی’ ٹیسٹ کرکٹر عمر اکمل آ اینٹی کرپش کوڈ نا خلاف ورزی نا فردجرم ءِ عائد کرے، عمر اکمل 31 مارچ اسکان ورندی ایتک۔ ٹیسٹ کرکٹر ءِ 4.2.2 نا رداٹ چارج کننگا وخت اس کہ اوڑا دا دوبہ ءِ کہ او اِرا وار کانود نا خلاف ورزی ءِ کرینے۔ پی سی بی ٹیسٹ کرکٹر عمر اکمل ءِ پاکستان سپر لیگ ‘پی ایس ایل’ آن مست معطل کریسُس، ہرانا سوب آن او کوئٹہ گلیڈی ایٹرز کن گوازی ہم کننگ کتو۔ داسہ تُو اسے آن پد پی سی بی عمر اکمل ءِ اینٹی کرپشن کوڈ نا رداٹ چارج کرینے۔ عمر اکمل ءِ نوٹس آف چارج 17 مارچ آ راہی کننگا، کانود نا رداٹ عمر اکمل 31 مارچ اسکان ورندی ایتک۔ پی سی بی پارینے کہ عمر اکمل ارا وار اینٹی کرپشن کوڈ نا خلاف ورزی ءِ کرینے، اودے کوڈ 4.2.2 نا رداٹ چارج کننگانے۔ کوڈ انا رداٹ فکسنگ نا سلاہ خلنگ آن پد عمر اکمل پی سی بی ویجیلنس اینڈ سیکیورٹی ڈپارٹمنٹ ءِ معلومدار کتو او دا دوبہ نا سزا کم از کم شش تُو آن مچ آ زند ءِ۔