کورونا وائرس‘ پاکستان نا نیدرلینڈ و آئرلینڈ تون سیریزنا مفننگ نا گمان

اسلام آباد (مانیٹرنگ ڈیسک) کورونا نا سوب آن پاکستان نا نیدرلینڈز آئیر لینڈ نا برخلاف سیریز ہم خطرہ ٹی تمانے۔ اینخو جولائی ٹی نیدرلینڈز 3 ون ڈے و آئرلینڈ 2 ٹی ٹوئنٹی میچ آتا مہمانداری ءِ کروئی ءِ۔ کورونا وائرس نا اثر تا سوب آن پاکستان کرکٹ ٹیم نا نیدر لینڈز و آئر لینڈ نا برخلاف سیریز ہم خطرہ نا گواچی ءِ۔ کورونا وائرس آن گوازی تیا بھلو اثر اس تمنگ اٹی ءِ۔ وخت اس کہ مچ آ دنیا ٹی گوازیک زہمی مسنو۔ کورونا وائرس نا ساڑی حالیت آتا سوب آن یورپ اٹ گوازی تا کل ءِ سرگرمی تے ملتوی کننگانے او دا حالیت اٹی پاکستان کرکٹ ٹیم نا نیدرلینڈز و آئرلینڈ نا برخلاف سیریز ہم کینسل مننگ نا گمان ارے۔ نیدرلینڈز 3 ون ڈے میچ آتیکن پاکستان نا مہمانداری ءِ کروئی ءِ او دا میچ آج 4، 7 و 9 جولائی آ گوازی مروئی ئس وخت اس کہ آئرلینڈ اٹ 2 ٹی ٹوئنٹی میچ آک 12 و 14 جولائی آ شیڈول۔ پاکستان کرکٹ بورڈ نا ترجمان پارینے کہ داسہ سیریز اٹ بھاز وخت ارے، نیدرلینڈز و آئرلینڈ ہم ہچ ءُ رابطہ اس کتنے وخت اس کہ سیریز نا مہمانداری ءِ ہڑتوم آ ملک آتے کروئی ءِ۔ وخت اس کہ فیصلہ ءِ او ہڑتوم آتے کروئی ءِ۔ ترجمان نا رداٹ دا وخت آ سیریز نا زہمی مننگ نا ہیت ءِ کننگ وخت آن مست ءِ۔