آل پارٹیز اینڈ ایکٹیوسٹ الائنس کیچ انا ہلہلہ ئی دیوان‘کورونا وائرس آ شرہ کننگا

0

Get real time updates directly on you device, subscribe now.

تربت (آن لائن) آل پارٹیز اینڈ ایکٹیوسٹ الائنس کیچ انا ہلہلہ ئی دیوان کنوینئر خلیل تگرانی ناکماشی ٹی بی این پی (عوامی)نا گچین کاری سیل انا دفتر اوورسیز اٹ اڈ ہلک۔ دیوان اٹ غٹ پارٹی تا نمائندہو کیچ انا راجی تنظیم و ڈاکٹر وحید بلوچ خصوصی وڑاٹ بشخ ہلک‘ دیوان نا بناءتلاوت کلام پاک آن کننگا‘ دیوان اٹ یک ٹکی ایجنڈا کوروناوائرس آ شرہ کننگا۔ ڈاکٹر وحید بلوچ بشخندار آتے کوروناوائرس نا تالان مننگ‘ مرگ انا کچ‘ رکھی گام گیج‘ سوشل مچی تیا ہنپننگ‘ کوروناوائرس نا بابت غٹ پہلو تا جاچ ءِ ہلسا اسہ جوان ءُ لیکچر اس تس‘ دیوان اٹ پاننگا کہ کوروناوائرس اسہ جہانی ءُ دَین اسے‘ ہراڑان دوسَد نا کچ ملک زہمی مسنو‘ دا ناجوڑی اوڑدہی کننگ آن آسانی اٹ تالان مننگ کیک ہندا سوب آن تینا سوشل ہن وبر ءِ کچ اٹ کننگے‘ بے سوب مارکیٹ آتے ٹی رش مف‘ غٹ رکھی گام گیج آتیا عمل کننگ و بندغ آتے آگاہی تننگ وائرس نابرخلاف اسہ اہم ءُ جنگ اس مریک۔ اخیر اٹ کنوینئر خلیل تگرانی ناکماشی ٹی 7 باسکی کمیٹی اس ٹہیفنگا ہرا زوت کمشنر مکران، ڈی سی کیچ و ڈی ایچ او تون اوڑدہی کیک۔

Get real time updates directly on you device, subscribe now.

Leave A Reply

Your email address will not be published.