قوم خلیس آن پیش تمسا رکھوک گام گیج نا کسر ءِ دوئی کے‘ وزیراعظم

0

Get real time updates directly on you device, subscribe now.

سلام آباد( آن لائن ) وزیراعظم عمران خان پارینے کہ کنے دا پاننگ وخت آ بھاز فخر محسوس مریک کہ پاکستانی قوم ہر وڑ نا مصیبت و سختی تا مقابلہ ءِ کننگ نا لائخی تخک، ای تینا ہم وطن تیان خواست کیوہ کہ اوفک خلپس وخت اس کہ رکھوک گام گیج آتے دوئی کیر۔ ننے تینا صف آتیٹی سیوت، نظم و ضبط و جوزہ نا گرج ءِ تانکہ نن آفت آتا مقابلہ ءِ کننگ کین، ہرا مچ آ دنیا ءِ تینا گواچی کرینے۔ وزیراعظم عمران خان 23 مارچ نا وخت آ قوم انا پن آ تینا کلہو اسے ٹی پارے کہ قیام پاکستان نا سوب آن برصغیرپاک وہند نا مسلمان تے تینا تہذیبی درستی راستی ءِ مون آ اتنگ، مذہبی آجوئی و شونداری نا حق آک دوئی مسر، ہرافتے متحدہ ہندوستان نا بخال اکثریت اوفتے آن ہلنگ نا خواہندار ئسر۔ تدوک آ 70 سال آن ہلیس اینو اسکان حالیت و واقعہ غاک ننے باوہ پیرہ غاتا وژن و سوچ انا مرغنی و راستکی نا گواہی ءِ ایترہ۔ او پارینے کہ اینو نا دے ننے شاعر مشرق علامہ محمد اقبال نا فکر و بابائے قوم قائد اعظم محمد علی جناح نا فرمودات غاتا کنڈآ سجفنگ نا پاہک۔ تانکہ نن دا مسخت آتا دوئی کننگ ءِ پک کین ہرا قیام پاکستان نا وخت آ بحیثیت قوم ننا نصب العین ئس او ہرافتا دوئی کننگ کن ننا باوہ پیرہ غاک تینا کل ءِ ندر کریر۔ ای دا پارسا بھاز فخر محسوس کننگ اٹی اُٹ کہ پاکستانی قومی ہر وڑ نا مصیبت و سخت انگا وخت انا مقابلہ کننگ نا لائخی تخک۔ اینخو ننے پاکستان دے اڈ ترسا ننے تینا صف آتیٹی اسٹی، نظم و ضبط و جوزہ نا گرج ءِ۔ تانکہ نن دا آفت نا مقابلہ ءِ کننگ کین ہرا مچ آ دنیا ءِ تینا گواچی کرینے۔ وزیراعظم پارینے کہ ای تینا ہم وطن تیان خواست کیوہ کہ اوفک خلیس آن پیش تمر وخت اس کہ رکھوک آ گام گیج آتا خیالداری ءِ کیر۔ ای تینٹ دا دَین اتون مقابلہ کننگ کن حکومتی گام گیج آتا نگرانی ءِ کننگ اٹی اُٹ۔ انشاءاللہ، نن دا آزمائشت اٹ سرسہب مرینہ۔ او مستی پارینے کہ اینو نن مقبوضہ جموں وکشمیر نا مظلوم انگا اُلس تون جوان اظہار یکجہتی کینہ ہرافک 231 دے تیان تینا سرزمین غا نہ بیرہ بندی ءُ وخت اس کہ بھارت نا ریاستی ظلم و بیدادی تا بہادری اٹ مقابلہ ءِ کننگ اٹی ءُ۔ کشمیر نا ویل برصغیر پاک و ہند نا بشخ و پانٹ نا ناپورو آ ایجنڈا ءِ۔ اینو نا دے نن دا عزم انا اعادہ ءِ کینہ کہ پاکستان مقبوضہ جموں وکشمیر نا اُلس نا حق خود ارادیت نا کوشست آتا جوان اخلاقی، سیاسی و سفارتی مخ تفی ءِ برجا تخنہ۔ اللہ تعالی ننے تینا قومی مسخت آتا دوئی کننگ کن سرسہبی عطا فرمائفے او ساڑی آزمائشت آن ننے ثابت قدم سلنگ نا حوصلہ و ہمت عطا کے۔

Get real time updates directly on you device, subscribe now.

Leave A Reply

Your email address will not be published.