توشہ خانہ ریفرنس،بے ایمانی و دُرو پک، پی ٹی آئی راہشون عمران خان نابود
Get real time updates directly on you device, subscribe now.
اسلام آباد (آن لائن/ اے پی پی) الیکشن کمیشن آف پاکستان توشہ خانہ کیس اٹ چیئرمین پاکستان تحریک انصاف عمران خان ءِ نابود گوندا‘ چیف الیکشن کمشنر سکندر سلطان راجہ ناکماشی ٹی 5 باسکی بنچ امنائی اٹ فیصلہ بنفے‘فیصلہ ٹی پاننگانے کہ عمران خان صادق و امین سلتنے‘ کرپٹ پریکٹس کرینے‘ میرات آتے ڈکا‘ فوجداری کننگے‘ فیصلہ ٹی پاننگنے کہ عمران خان قومی اسمبلی ناباسک سلتنے‘ عمران خان ناکنڈآن جمع کرفوک ورندی سہی الو۔ عمران خان کرپٹ پریکٹس کرینے‘ اونا قومی اسمبلی نا نشست ءِ خورک گوندنگک‘ الیکشن کمیشن تینا فیصلہ ٹی پارینے کہ عمران خان نابرخلاف کانودی کارروائی نا بناءِ کننگے۔ ایلو کنڈآ پاکستان تحریک انصاف فیصلہ ءِ مسترد کرسا عدالت آ ہننگ نا پڑو کرے‘ فیصلہ ءِ بننگ آن پد پاکستان تحریک انصاف نا راہشون فواد چوہدری و شہباز گل عمران خان نا بابت الیکشن کمیشن نا فیصلہ ءِ مسترد کرسا پاریرکہ ہرا وڑ اینو دا فیصلہ کننگانے داکان مست دا وڑ ہچ متنے‘ اینو پاکستان نا 22 کروڑ الس نابرخلاف فیصلہ بنفنگا۔