آکسفورڈ یونیورسٹی نا تیارکروک آ کورونا ویکسین نا مثبت آزموندہ ستاکڑزک

جنیوا (اے پی پی) جہانی ادارہ جان جوڑی(ڈبلیو ایچ او) آکسفورڈ یونیورسٹی نا تیار کروک آ کوروناوائرس آن بچفنگ نا ویکسین نا مثبت آزموندہ ءِ ستاکڑزوک گوندسا پارینے کہ کوروناوائرس نا تالانی ءِ توننگ کن داسکان پین کاریم کننگ نا گرج ءِ۔ جنیوا ٹی اسہ حوال اسے ٹی جہانی ادارہ جان جوڑی نا ہلہلہ ئی حالیت آتا ڈائریکٹر ڈاکٹر مائیک ریان آکسفورڈ ویکسین نا آزموندہ غاتیٹی اوار سائنسدان تے مبارکبادی ترسا پارینے کہ دا اسہ گچین ءُ آزموندہ اسے ولے ننے بھاز مون اسکان ہنوئی ءِ۔ اوپارے کہ داوخت آ دنیا ٹی گمانی وڑاٹ 23 ویکسین جوڑ کننگ انگ ءِ انتئے کہ حقی دنیا نا ٹرائل بھلو کچ اسے آ بایدے مرے۔ جہانی ادارہ جان جوڑی نا ڈائریکٹر جنرل ٹیدروس ایڈہینوم گیبریئیسس ہم داہیت آ زور شاغا کہ سرسہب ویکسین اسکان غٹ ملک آک بایدے رسینگر۔