حکومت نا پارلیمنٹ نا اسیجائی دیوان ءِ عئید آن مست بٹنگ نا فیصلہ

 اسلام آباد ( آن لائن ) حکومت پارلیمنٹ نا اسیجائی دیوان عئید آن مست بٹنگ انگ نا فیصلہ کرینے۔ سینٹ آن منظور مفروک آ ہفت بل اسیجائی دیوان اٹ پیش کننگک۔ حوال نا رداٹ حکومت پارلےمنٹ نا اسیجائی دیوان عئید آن مست بٹنگ انگ نا فیصلہ کننگانے۔ پارلےمنٹ نا اسیجائی دیوان اٹ اےف اے اےف ٹی کانود آتتون اور ایلو ہندن ءُ ہفت بل ہرا قومی اسمبلی آن تو منظور مسنو ولے سےنےٹ آن منظور متنو، منظوری کن پےش کننگرہ، حوال نا رداٹ اسیجائی دیوان اٹ پاکستان میڈیکل کمیشن و پاکستان میڈیکل ٹریبونل بل پیش مریک اسلام آباد ہائیکورٹ جج آتیٹی ودکی نا بل پاس کرفنگک وخت اس کہ ایف اے ٹی ایف کانود نا بابت بل ءِ ہم پاس کرفنگک، دا بابت اٹ سلاہکار پارلےمانی امورڈاکٹر بابر اعوان نا اُست خواہی ءِ کہ گڈ گورنس کن گڈ لاءمیکنگ المی ءِ، اُلسی مفاد نا کانود جوڑ کننگ حکومت و اپوزیشن ہڑتوم آتا زمواری ءِ، وخت آ کانود سازی مفننگ آ اُلس تکلیف و پارلیمننٹ ہم تنقید نا پلویڑ اٹی بریک۔ او پارینے کہ وزیر اعظم تون مروک آ اوڑدہی ٹی جوڈیشل و لاءریفارم آتیا خوڑتی اٹ ہیت وگپ مسنے، زوت اس ہڑتوم آ ہاوس آتیٹی دا عمل نا بنا ءِ کینہ۔