ملک اٹی کوروناوائرس نا ناجوڑ آتا مرک آتا کچ کم مننگ ءِ، ڈاکٹر ظفرمرزا

اسلام آباد (اے پی پی) وزیراعظم نا خصوصی کمکار جان جوڑی ڈاکٹر ظفرمرزا پارینے کہ ملک اٹی کوروناوائرس آن زہمی بندغ آتیکن تشخیصی لائخی ٹی پین ودکی کننگ انگ ءِ۔ میڈیا نا رداٹ سے شنبے نادے آ خصوصی کمکار جان جوڑی ڈاکٹر ظفرمرزا نجی چینل اسے تون گپ وتران کرسا پارے کہ حکومت نا کنڈآن کوروناوائرس نا توننگ کن کروک آ گچین بست و بند آتا سوب آن ملک اٹی کورونا وائرس نا ناجوڑ آتا مرک آتا کچ کم مننگ ءِ و داہیت ستاکڑزک کہ کوروناوائرس نا زہمی کیس آتا کچ اٹی ہم کمتی بسنے ولے وائرس نا چٹفنگ کن الس رکھی قاعدہ و ضابطہ غاتیا عملدرآمد ءِ برجاتخر۔ ڈاکٹر ظفرمرزا پارے کہ حکومت وائرس نا توننگ کن تعلقدار قاعدہ و ضابطہ غاتیا عملدرآمد ءِ پک کیک۔