منی لانڈرنگ و دہشتگردی نا کمکار آتے توننگ کن گام گیج کرینن، پاکستان

اسلام آباد (اے پی پی) جہانی برادی نا زموار ملک انا حیثیت اٹ پاکستان منی لانڈرنگ و دہشت گردی نا توننگ کن مالی کمکاری نا توننگ نا گام گیج آتا کمک اٹ فنانشل ایکشن ٹاسک فورس انا ایکشن پلان ءِ پورو کننگ کن گام گیج کننگ ءِ۔ فٹیف نا 27 آئٹم آتیٹی مہالو آن 14 غا عملی گام گیج کرینے و ایلو 13 گام گیج آتیا پیش رفت برجاءِ۔ پاکستان تین پہ تینی جاچکاری رپورٹ اٹ سلاہ ئی گام گیج آتیا ہم پیش رفت کرینے ہرافتے ٹی 15 کانودی ترمیم اوار ءُ تانکہ تکنیکی عملدرآمد ءِ ممکن کننگ مرے، دافتے ٹی منی لانڈرنگ وٹیررفنانسنگ کن مالی کمکاری نا توننگ نا رداٹ نیشنل رسک اسیسمنٹ نا اپ گریڈیشن، سی ڈی این ایس، پاکستان پوسٹ، و پابندی تا دنگ اٹ ودکی اوار ءِ۔ ہنداوڑ ساڑی آ سال تیٹی غیر مالیاتی ہل/ و تس انا توننگ کن پاکستان فٹیف نا آب انا رداٹ منی لانڈرنگ و ٹیرر فنانسنگ نا توننگ نا بابت کسٹم ڈیوڈیلی جینس، کے وائی سی و ایلو وڑنا گام گیج کرینے۔ جہانی آب انادوئی کننگ کن پاکستان انسداد منی لانڈرنگ ایکٹ اٹ ترمیم کرینے تانکہ خراج نا بابت غیر کانودی گام گیج آتے جرم گوندنگے۔ ہنداوڑ انسداد منی لانڈرنگ ایکٹ نا شیڈول اٹ وڈی خوری، نارکاٹکس، دہشت گردی و انسانی سمگلنگ ءِ اوار کننگانے۔ فارن ایکسچینج ریگولیشن ایکٹ نا دفعہ چار اسٹ و 5 انا خلاف ورزی تے ہم انسداد منی لانڈرنگ ایکٹ تون مربوط کننگانے تانکہ اے ایم ایل ایکٹ نا رداٹ سزانا قابل ڈوہدار گوندنگے۔ اقتصادی حالیت آتا رکھ انا ایکٹ (پیرا) نا رداٹ نان فائلرپاکستانی تیکن فارن کرنسی اکاونٹ ءِ محدود کننگانے، ہنداوڑ کانودی ذریعہ اٹ ترسیلات زر انا است بڈی کن پاکستان ریمیٹنسز انیشیٹو پروگرام نا بناءِ کننگانے ہنداسوب ءِ کہ تدوک آ اسہ عشرہ ٹی پاکستان اٹ ترسیلات زر انا کچ ہرامالی سال 2008ءاٹی 604 ارب ڈالر ئسر داسہ ودسا مالی سال2020ءاٹی 23.12 ارب ڈالر اسکان سرمسنو۔