الس ءِ ر یلیف رسیفنگ کن انتظامیہ کوشست کننگ اٹی ءِ‘ زاہد حمید لانگو

قلات (فیض نیچاری) چیئرمین پرائس کنٹرول کمیٹی اسسٹنٹ کمشنر قلات زاہد حمید لانگو بازار نا دورہ ءِ کرے‘ حوال نارد اٹ اسسٹنٹ کمشنر زاہد حمید لانگو بازار نا دورہ ءِ کرے‘ قلات بازار اٹ سوزی بہا کروک آتون اوار چندی دکان تا جاچ ءِ ہلک و سرکاری نہاد لڑ ءِ ہم چیک کرے۔ چیکنگ ناوخت آ اے سی قلات پارے کہ الس نا کنڈآن غاو کننگ انگ ءِ کہ بازار اٹ سرکاری نہاد لڑ آ عملدرآمد مفننگ ءِ و سوزی و میوہ غاک کبین بہاکننگ انگ ءُ‘ دا بابت اسسٹنٹ کمشنر دکان تے سختی اٹ پارت کرسا پارے کہ سرکاری نہاد لڑ آ عملدرآمد ءِ پک کننگے نہ تو خلاف ورزی کروک آتا برخلاف سخت کانودی کارروائی کننگک۔ او پارے کہ الس ءِ ر یلیف رسیفنگ کن انتظامیہ کوشست کننگ اٹی ءِ‘ کس ءِ الس نا پلنگ نا موکل تفنہ۔