جانجوڑی نا باندات ہچ ءُ ڈیوالئی و بے پرواہی اس سگپنہ‘ڈاکٹر ایاسر خان بازئی

سبی (خ ن) ڈپٹی کمشنر سبی ڈاکٹر یاسر خان بازئی ناکماشی ٹی ضلعی ہیلتھ اتھارٹی نا بڑزکو کہولی دیوان اڈ ہلک‘ دیوان اٹ چندی امور تا جم جاچ ءِ ہلنگا‘ دیوان اٹ ڈسٹرکٹ ہیلتھ آفیسر سبی ڈاکٹر اکبر سولنگی ایم ایس سو ل ہسپتال ڈاکٹر رفیق مستوئی‘ ایڈیشنل ڈپٹی کمشنر عباس ملک ڈسٹرکٹ اکاﺅنٹس آفیسر عجب خان تحصیلدار سبی نصیراحمد ترین ڈی ایس ایم پی پی ایچ آئی وایلو تعلقدار افسر آک بشخ ہلکر‘ دیوان آن تران کرسا ڈپٹی کمشنر سبی ڈاکٹر یاسر خان بازئی پارے کہ بندغ آتا جانجوڑی نا باندات ہچ ءُ ڈیوالئی و بے پرواہی اس سگپنہ۔ او پارے کہ غیر حاضر ڈاکٹر وپیرا میڈیکس اسٹاف نا برخلاف کانودی کارروائی کرسا اوفتا تنخواہ تے کاٹ کننگ ناپرمان کننگانے‘ او پارے کہ ڈویژنل ہیڈ کوارٹر ہسپتال سبی تون اوار غٹ ہیلتھ سینٹر تے ٹی سَفائی آ خاص چکار کننگے‘او پارے کہ کورونا وائرس نا اخس کہ ناجوڑ ئسر او اللہ نا فضل اٹ دراخ جوڑ مسنو و داسکان پوسکن ءُ اسہ کیس اس ہم رپورٹ متنے۔