اقلیتی برادری نا رکھ ننا حق ءِ و نن اوفتے اسُل تنیا الیپنہ‘میرضیاءلانگو

لاہور (خ ن) صوبائی وزیر داخلہ میر ضیاءاللہ لانگو وڈھ انا ہندی پوریاگر نانک چند نا خون نا مذمت ءِ کرینے‘ تینا جاری کروک مذمتی بیان اٹ وزیرداخلہ پارے کہ ہندو پوریاگر نانک چند نا خونی نااخس کہ مذمت ءِ کننگے کم ءِ‘ خونی تے ہر حال اٹ اوفتا کروک آتا سزا تننگک‘ وزیر داخلہ بلوچستان ضلعی انتظامیہ غان واقعہ نا رپورٹ ءِ بٹنگا‘ او پارے کہ بلوچستان اٹ کرن آتیان آباد ہندو برادری نا ڈکھ دڑد اٹ بریبر نا شریدار ان و ہندو برادری بلوچستان نا روایت آتے تینائی کرسا تینے جتا تکپک‘ منہ واکدار رزاکا بلوچستان نا حالیت آتے خرابی ناکنڈآ دھکہ تننگ اٹی ءُ تاکہ بلوچستان نا پرامن حالیت آتے اسہ وار ولدا خراب کننگے۔ اوپارے کہ اقلیتی برادری نا رکھ ننا حق ءِ و نن اوفتے اسُل تنیا الیپنہ۔ وزیر داخلہ اونا خاہوت تون ہمدردی درشان کرسا اوفتا صبر اکن دعا ہم کرے ۔