شہدائے پاک فوج نا قربانی تے خراج تحسین پیش کننگ نا فیصلہ
25 مئی آ یوم تکریم شہدائے پاکستان‘ اڈ تننگک، دے ءِ شہید آتا گیرام مفروک قربانی تے یات کننگ کن اڈ تننگک
Get real time updates directly on you device, subscribe now.
راولپنڈی : پاک فوج 25 مئی آ یومِ تکریمِ شہداءِ پاکستان اڈ تننگ نا فیصلہ کرینے‘ شہدائے پاکستان نا قربانی تے خراج تحسین پیش کننگ کن 25 مئی آ ’یوم تکریم شہدائے پاکستان‘ اڈ تننگک۔ دا دے ءِ اڈ تننگ نا مسخت شہید آتا بے کچ قربانی تا یات ءِ کننگ ءِ و قوم ءِ دا کلہو تننگ ءِ کہ شہید‘ اوفتا خاہوت و یاتگار آتا شرف ہرپاکستانی ناگمرءِ۔ وطنِ عزیز پاکستان نا امن وایمنی و دہشتگردی نا چٹفنگ کن تروک قربانی تے گیرام کننگ مفک‘ دا بابت پاک فوج‘ رینجر، ایف سی، پولیس، ایلو کانود نافذ کروک کل ادارہ غاتا شہیدو شہداء پاکستان نا کڑدار گیرام دننگ مفک‘ ہندا سوب آن شہداءِ پاکستان نا گیرام کپروک قربانی تے خراجِ تحسین پیش کننگ کن 25 مئی آ “یومِ تکریمِ شہداءِ پاکستان” اڈ تننگ نافیصلہ کننگانے۔ یومِ تکریمِ شہداءِ پاکستان اٹ مچ آملک اٹ مروک دود آتے نمان وڑ اٹ پیش کننگک تاکہ شہدائے پاکستان ءِ جوان خراجِ عقیدت پیش کننگ مرے۔ خصوصی پروگرام ودود آتے ٹی مچ آ ملک اٹ شہید آتا ایصال ثواب کن قرآن خوانی و دعا کننگک‘ مچ آ ملک اٹ پاک فوج‘ پولیس وایلو کانود نافذ کروک ادارہ غاتا یاتگار شہداء غا سلامی تننگک‘ جی ایچ کیو ٹی یادگارِ شہداء غا بنجائی دود اڈ ہلیک‘ پاکستان ائیر فورس، پاکستان نیول ہیڈکوارٹرز و پولیس نا چندی یادگار شہدادود آک اوار ءُ، صوبائی دارالخلافہ غاتتون اوار آزاد کشمیر و گلگت بلتستان اٹ ہم شہید آتا یادگار آ دود اڈ تننگک‘ داڑتون اوار مچ آ ملک اٹ شہید آتا قبرتیا دعا پاتیہ ہم کننگک‘ یومِ تکریمِ شہدائے ِ پاکستان تجدیدِ عہد انا دے ءِ‘ ہرا خار و خرینی تے است آن درسا مہر‘ امن‘ اومیت‘ رواداری و تینا شہید آتتون مہر انا کلہو ایتک۔
(آن لائن)