نن تون لاک ڈاؤن آن بیدس پین کسر اف‘ مراد علی شاہ

کراچی (آن لائن) وزیراعلیٰ سندھ مراد علی شاہ صوبہ ٹی نن نا دوانزدہ بجہ غان لاک ڈاو ¿ن نا پڑو کرینے و پارینے کہ داکان بیدس نن تون پین کسر اف۔ ویڈیو بیان اٹی مراد علی شاہ پارے کہ غٹ سیاسی جماعت، عالم دین و ایلو کمامدار آتتون سلاہ سوج آن پد فیصلہ کننگا۔ او پارے کہ کورونا وائرس نا تالانی ءِ توننگ کن مچ آ صوبہ ٹی نن نا دوانزدہ بجہ غان لاک ڈاﺅن بنا کیک۔ و شاپنگ مال، تعلیمی ادارہ و ایلو مارکیٹ آک مہالو آن بند ئسر۔ ولے داسہ ایلو دفتر آک ہم بند مریرہ۔ او پارے کہ داسہ الس ءِ ہز کرسا اُرا تیٹی تولوئی ئِ۔ دا کرفیو اس اف۔ ’کیئر فاریو‘ اسے۔ و دا نیام اٹ مخلوق ءِ بے گرج آن اُرا تیان پیش تمنگ نا موکل مفک۔ اگہ کس اسے کاریم اس مس تو شناختی کارڈ ءِ تین تون اوار ہرفے۔ وزیراعلیٰ نا پاننگ ئس کہ ایمرجنسی نا حالیت اٹ ہسپتال آ ہنوئی مس تو گاڈی ٹی بیرہ مسہ بندغ ءِ ہننگ نا موکل مریک۔ او پارے کہ صوبائی حکومت کبینی و کوڑی کننگ ءِ تورک و کوشست کننگک کہ غٹ بنداوی گرج آتے بے سلنگ آن فراوان کننگر۔ مراد علی شاہ پارے کہ لاک ڈاو ¿ن نا فیصلہ غان ہرا ویل آک ودی مریرہ، ای اوفتا ایسری کن گام گیج کیوہ۔ دا بابت اسہ ٹیم اس جوڑ کننگ اٹی اُن۔ ہرادے گریڈ 20 نا افسر اس ڈیل کیک، انڈسٹری، ہیلتھ، محکمہ بلدیات و ایلو ادارہ غاک تیان کاریم تا کم مننگ نا حوال ءِ ٹیم ءِ فون آ ایترہ۔ ٹیم چیف سیکرٹری نا سلابت اٹ ہمو ویل ءِ سر ایتک۔