یوم پاکستان نا بابت اڈ ہلوک قومی اعزاز تننگ و ایلو کل دود آک منسوخ

اسلام آباد(آن لائن)80 میکو پاکستان دے 23مارچ دو شنبے نا دے آ اڈ تننگک، مچ آ ملک اٹ چھٹی مریک وخت اس کہ کورونا وائرس نا خلیس نا سوب آن ملک اٹ کل دود آتے کینسل کننگانے۔ 23مارچ دو شنبے نا دے سہب انا نماز آن پد ملک و ملت نا سلامتی و استحکام کن خاص دعا کننگک۔ وخت اس کہ شکرانہ نا نفل ہم ادا کننگک، دا دے انا بابت اٹ اخبارک خاص ءُ ایڈیشن شینک کیرہ وخت اس کہ ریڈیو پاکستان ،پی ٹی وی و نجی ٹی وی چینل تیان ہم خاص خاص ءُ پروگرام نشر کننگک۔ 23مارچ پاکستان نا تاریخ نا اہم ءُ دے اسے، 23مارچ 1940ءآ لاہور نا منٹو پارک(اقبال پارک) اٹ قرارداد پاکستان منظور مس وخت اس کہ سال1956ءاٹ ہندا دے آ پاکستان نا اولیکو آئین منظور مس او مملکت پاکستان اولیکو اسلامی جمہوریہ پاکستان جوڑ مس۔ ایلو کنڈآ پاکستان دے انا وخت آ قومی اعزاز آتا دود ءِ ہم چٹفنگانے۔ حوال نا رداٹ پاکستان دے انا وخت آ قومی اعزاز آتا بنجائی دود ءِ اینو آن ایوان صدر اٹ مروئی ئس ہراٹی صدرمملکت ڈاکٹر عارف علوی جتا جتا بندغ آتے عسکری وسول اعزاز تسکہ۔ حوال نا رداٹ گورنر ہاوس آتیٹی مروک آ اعزاز آتا دود آتے ہم چٹفنگانے۔