قائد حزب اختلاف شہباز شریف پدی بس، اسکریننگ و ایچ ڈی فارم جمع کرفے

اسلام آباد /لاہور(آن لائن) قومی اسمبلی ٹٰ قائد حزب اختلاف و مسلم لیگ ن نا صدر شہباز شریف لندن اٹ بھلو وخت اس رہنگ انگ آن پد پدی بس۔ شہباز شریف فلائٹ نمبر پی کے 786 آن اسلام آباد ءِ سرمس تو ائیر پورٹ آ اونا ٹمپریچر ءِ چیک کننگا او تینا اسکریننگ ءِ ہم کرفے، شہباز شریف ہیلتھ ڈیکلیریشن فارم ہم جمع کرفے۔ اپوزیشن لیڈر نا جون نا درجہ حرارت نا نارمل مننگ آ محکمہ جانجوڑی نا کمامدار آک اودے ہننگ نا موکل تسر۔ مسلم لیگ ن نا راہشون عطا تارڑ، ن لیگ نا ترجمان مریم اورنگزیب و میئر اسلام آباد شیخ انصر ایئرپورٹ آ تینا لیڈر نا بخیر ءِ کریر وخت اس کہ اسلام آباد ءِ سرمننگ تون شہباز شریف ماسک اس بینگاسس۔ وخت اس کہ او کس انا دو ءِ ہلتو۔ وخت اس کہ میڈیا تون ہیت وگپ کرسا شہباز شریف پارینے نوازشریف نا درمان نا سوب آن اوڑتون لندن آ ہناسُٹ ولے نواز شریف نا اُست انا درمان ءِ داسکان کن مروئی ئِ، نن دعا کینہ کہ نواز شریف زوت اس جانجوڑ مرے۔ او پارینے کہ نواز شریف نا کماشی ٹی اسہ ٹیم اسے نا حیثیت اٹ ہر وخت کاریم کرین، نواز شریف نا اُست انا درمان ءِ کروک آ ڈاکٹرچھٹی آ ئس او داسہ بسنے، نواز شریف نا اُست انا درمان کن زوت اس تاریخ ہلنگک۔ شہباز شریف پارینے کہ ملک اٹ کورونا دَین نا برخلاف اُلس تون نا کمک اٹ مقابلہ کینہ۔ کنا، نواز شریف و ننا مچ آ خاہوت نا مرک و زند اُلس تون ئِ۔ صدر مسلم لیگ ن پارینے کہ نواز شریف نا کلہو ءِ کہ مچ آ قوم اسٹ ئِ، اللہ تعالیٰ زو اس ملک ءِ دا سختی آن کشک۔ داڑان بیدس مسلم لیگ ن نا صدر شہبازشریف لندن آن پدی بننگ تون کرنٹائن اٹ ہنا۔ ماڈل ٹاو ¿ن لاہور اٹ بیرہ تینا اُرا ٹی رہنگک۔ 4 آن 5 دے اسکان کس اتون اوڑدہی کپک۔