تفتان کرنٹائن سینٹر آن 295 پین زائر اُرا تیا راہی

تفتان(آن لائن) بلوچستان حکومت نا فوکل پرسن نورالامین مینگل پارینے کہ تفتان سیم آ کرنٹائن پورو کروک ءُ پین 295 زائر تے اوفتا اُراتیا راہی کننگانے۔ نورالامین مینگل پارینے کہ تفتان سیم آ کرنٹائن پورو کروک آ زائر تیان پنجاب نا 148، خیبرپختونخوا نا 125، سندھ انا 18، گلگت بلتستان و آزاد کشمیر نا 4 مسافر اوار ءُ ہرافتے اوفتا اُرا تیا راہی کننگانے۔ فوکل پرسن نورالامین مینگل نا رداٹ کرنٹائن سینٹر اٹ بنداوی آسراتی تا پوسکن آ وڑک ساڑی ءُ۔ وخت اس کہ کرنٹائن سینٹر آتیا تعینات کارندہ و ٹرانسپورٹر آتے خاص ٹریننگ تون اوار رکھوک کٹ ہم تننگ انگ ئِ۔ یات سلے کہ پاک ایران سیمی علاقہ تفتان اٹ جوڑ مروک آ کرنٹائن سینٹر اٹ ردی مون آ بننگ آن پد صوبائی حکومت ہنگامی وڑ اٹ گام گیج کرسا حالیت آتے پین جوان کننگ نا کوشست کننگ اٹی ئِ۔ ہراڑا وزیراعلیٰ بلوچستان نا پارت آ نورالامین مینگل ءِ خاص انگا فوکل پرسن برائے کرنٹائن ریلیف آپریشن پن کننگانے۔