کوئٹہ ‘کورونا وائرس نا سوب آن غٹ بھلا مارکیٹ آک بند
Get real time updates directly on you device, subscribe now.
کوئٹہ (آن لائن) کوئٹہ ٹی کورونا وائرس نا دَین انا سوب آن غٹ بھلا مارکیٹ آتا بند ئسکہ۔ مچ آ شار بینگ مسنے‘شاریک اُراتے ٹی بندی مسنو وخت اس کہ شار اٹ لاک ڈاﺅن آن کنوئی آ گڑاتا کاختی ودی مسنے۔ حوال نارد اٹ کورونا وائرس نا دَین نا بلوچستان اٹ تالان مننگ آن پد صوبائی حکومت کوئٹہ نا غٹ بھلا مارکیٹ آتے 21 دے اکن بند کننگ نا پڑو کرے ہرانا سوب آن واپاری زند ژند مسنے‘ بازارک بینگ ءُ‘ کوئٹہ نا ہمو شاہراہ ہرافتیا دے اٹ ٹریفک جام مسکہ داسہ او پورو وڑ اٹ بینگ ءُ، ہرکنڈآ کورونا وائرس نا خلیس ئِ‘ شاریک اُراتے ٹی بندی ءُ‘ وخت ا س کہ بلوچستان حکومت ہم وائرس نا چٹفنگ کن شاری تے 3 دے اسکان اُراتے ٹی مننگ ناپارت کرینے۔