مچھ اٹ کورونا وائرس نا گمانی ناجوڑ ءِ درمان کن شیخ زاہد ہسپتال کوئٹہ غا گدریفنگا
مچھ (آن لائن) مچھ اٹ کورونا وائرس نا گمانی ناجوڑ اس بس‘ گمانی ناجوڑ کسبی وڑاٹ کانڑ اٹ کاریم کیک۔ حوال نارد اٹ رضا خان کول کمپنی نا کارندہ غاک تینا 20سال انا سنگت کارندہ مہدی حسین ءِ مچھ بازار اٹ میڈیکل اسٹور آدرمان کن ایسر‘ میڈیکل اسٹور نا مالک کورونا وائرس نا بابت علامت و نشانی تے خنسا لیویز فورس مچھ ءِ ڈہ تس ڈہ رسینگ آ اسسٹنٹ کمشنر مچھ لیویز فورس تون اوار ہمو میڈیکل اسٹور آ سر مرسا کورونا وائرس نا گمانی ناجوڑ ءِ مچھ ہسپتال آ گدریفے‘ ہسپتال حوالی نارد اٹ ناجوڑ اٹ کورونا نا علامت آک خننگار ہرادے خل/ انا غاو کننگ آ سیلہ خلسا نجی گاڈی ٹی کورونا نا ٹیسٹ و درمان کن شیخ زاہد ہسپتال کوئٹہ غا راہی کننگا۔ مچھ اٹ کولا ناکانڑتے ٹی کاریم کروک آتا گشتری نا تعلقداری ہمسایہ ملک ایران و اوغانستان آن ئِ۔