ٹریژری کیئر ہسپتال آتے ٹی (پی پی ای سی) فراوان کپننگ گڑتی نا سوب ءِ‘ ینگ ڈاکٹرز

0

Get real time updates directly on you device, subscribe now.

کوئٹہ (آن لائن) ینگ ڈاکٹرز ایسوسی ایشن بلوچستان نا ترجمان نا جاری کروک بیان اٹ پاننگانے کہ داسکان صوبہ نا ٹریژری کیئر ہسپتال آتے ٹی پرسنل پروٹیکٹیو ایکویپمنٹس (PPEs) فراوان کپننگ گڑتی ناسوب ءِ‘ ڈیوٹی کروک ڈاکٹر‘ نرس‘ پیرامیڈیکل اسٹاف تینا کمک تینٹ و بیدس PPE کٹ آن ڈیوٹی کننگ اٹی ءُ۔ ترجمان پیدوار کرے کہ سنڈیمن پراونشل ہسپتال و بولان میڈیکل کمپلیکس ہسپتال اٹ ہچ مف 3 ہزار نا کچ ڈاکٹر‘ نرس و پیرامیڈیکل اسٹاف تعینات ءُ۔ ڈی جی ہیلتھ سروسز ات اسٹاک نا جاگہ غا دا غٹ ڈاکٹر، نرس و پیرامیڈیکل اسٹاف ءِ بروک آ 30دے اسکان ایمرجنسی بنداو آ PPE کٹ، ڈیسپوزیبل آئٹم و ہینڈ سینیٹائزر فراوان کننگے۔ ترجمان مستی پارے کہ ساڑی ایمرجنسی حالیت اٹ است انا سِخت اٹ کاریم کننگ اٹی ان و داکان پد ہم کاریم کرسا کینہ۔

Get real time updates directly on you device, subscribe now.

Leave A Reply

Your email address will not be published.