بیست ءُ سے مارچ انادے پاکستان نا تاریخ اٹ بھاز اہم ءِ‘گورنر بلوچستان

0

Get real time updates directly on you device, subscribe now.

کوئٹہ(خ ن) گورنربلوچستان امان اللہ خان یاسین زئی پارینے کہ 23 مارچ انادے پاکستان نا تاریخ اٹ بھاز اہم ءِ انتئے کہ 1940 اٹ ہند ادے آ لاہور اٹ قرارداد پاکستان ءِ منظور کننگاسس و برصغیر پاک وہند انا مسلمانک سہی معنہ اٹ قائداعظم محمد علی جناح نا کماشی ٹی تینکن جتاءُ وطن اس دوئی کننگ کن جہد انا بناءِ کریسر‘او پارے کہ 7سال انا کوشست‘ بے کچ قربانی و بے مٹ جہد آن پداوفتا کوشست آک بھرم ایسر و تینکن اسہ آجو و وتواجہ ءُ ملک پاکستان ءِ جوڑ کننگ کن سرسہب مسر۔گورنر امان اللہ یاسین زئی پارے کہ دا وار وزیراعظم پاکستان کوروناوائرس نا سوب آن ملک و قوم انا فائدہ کن یومِ پاکستان نا دود آتے منسوخ کننگ نا فیصلہ کرینے ہندا سوب آن المی ءِ کہ الس دا دے آ تینا اُراتے ٹی مرے و ملک‘ قوم انا شونداری وشونہالی کن خصوصی دعا کے۔

Get real time updates directly on you device, subscribe now.

Leave A Reply

Your email address will not be published.