کورونا وائرس نا بچنگ کن کل آن زیات رکھی گام گیج آک المی ءُ‘اے سی اوستہ محمد

0

Get real time updates directly on you device, subscribe now.

اوستہ محمد (آن لائن) اسسٹنٹ کمشنر اوستہ محمد ارشد حسین جمالی پارینے کہ کورونا وائرس نا بچنگ کن کل آن زیات رکھی گام گیج آک المی ءُ ہرا ملک آتا الس رکھی گام گیج کتو ہمو نسخان ہرفنگ اٹی ءُ۔ اوپارے کہ حکومت تون کمک کل انا زمواری ءِ دا وخت آ دنیا دا کورونا وائرس فریشان ءِ ولے منٹ اس داڑا ملنڈ کننگ اٹی ءُ تو کیہی جاگہ غاتیا بے پرواہی ہم کننگ انگ ءِ۔ او پارے کہ دا ہم احساس ارے کہ ہرا مزوری کیرہ اوفتا انت مریک ولے اللہ کَپ دا ناجوڑی اوفتسکان سر مس تو گڑا امر مریک‘ ہندا سوب آن بایدے نن کل منہ دے اکن حکومت تون کمک کین تاکہ دا ناجوڑی نا مون ءِ توننگ مرے۔ ارشد حسین جمالی غٹ تپہ غاتیان تعلقدار بندغ آتے پارے کہ او دا بابت الس ءِ سرپند کیر‘ میڈیا‘ عالم دین‘ این جی اوک‘ انتظامیہ غٹ اسیجائی اٹ کاریم کیر تاکہ الس سرپند مننگ کے۔ اوپارے کہ کنے یخین ءِ کہ اللہ پاک مسلمان تیا رحم کیک ولے نبی کریم ہم رکھی گام گیج آتا پارت کرینے۔

Get real time updates directly on you device, subscribe now.

Leave A Reply

Your email address will not be published.