ایم پی اے گوادر میر حمل کلمتی نا چیئرمین گوادر پورٹ اتھارٹی پسندخان بلیدی تون اوڑدہی

گوادر : بی این پی نا بنجائی راہشون و ایم پی اے گوادر میر حمل کلمتی نا چیئرمین گوادر پورٹ اتھارٹی پسند خان بلیدی تون اوڑدہی کرے۔ ایم پی اے گوادر میر حمل کلمتی نا گوادر پورٹ آفس آ بننگ او وخت آ بی این پی گوادر نا ضلعی راہشون ماجد سہرابی و میر انور ہم اوفتتون اوار ئس۔ ایم پی اے میر حمل کلمتی چئیرمین گوادر پورٹ ءِ ہندی ماہی گیر آتے دوئی ویل آتیان معلومدار کرے وخت اس کہ بنجائی حکومت نا کنڈآن ماہی گیر آتے انجن نا فراوانی و گوادر نا اولڈ سٹی نا بابت ہیت وگپ کرے۔ ایم پی اے میر حمل کلمتی گوادر پورٹ اٹ ہندی بندغ آتے ملازمت تننگ نا بابت اٹ ہم چئیرمین گوادر پورٹ آن خواست کرے گوادر پورٹ اتھارٹی پسند خان بلیدی ایم پی اے گوادر میر حمل کلمتی ءِ پورو ویل آتا ایسری نا پارت کرے۔ چئیرمین گوادر پسند خان بلیدی ایم پی اے میر حمل کلمتی ءِ گوادر پورٹ انا ہیب کیب اٹ جوڑ مروک آ ڈی سیلینیشن پلانٹ و پاک چائنا ٹیکنیکل اینڈ ووکیشنل انسٹیٹیوٹ نا بابت اٹ بریفنگ تس۔

(آن لائن)