نصیرآباد: ہیپاٹائٹس سی نا تشخیص و درمان پروگرام نا رِد اٹ آگاہی ریلی
Get real time updates directly on you device, subscribe now.
ضلع نصیرآباد اٹی وزیراعظم نا ہیپاٹائٹس سی نا تشخیص و درمان پروگرام نا بناءِ کننگ نا رِد اٹ اسہ آگاہی ریلی اس کشنگا ہرا نا کماشی ءِ اسسٹنٹ کمشنر چھتر بشیر احمد و ڈی ایچ او ڈاکٹر ایاز جمالی کریر۔ ریلی ڈسٹرکٹ ہیلتھ آفس آن بنا کرے و سول ہسپتال اسکان ہنا، ہراڑے ہیپاٹائٹس سی نا مفت اسکریننگ ہم کننگا۔ ریلی ٹی ڈپٹی ڈی ایچ او ڈاکٹر حضور بخش مینگل، سیاسی و مذہبی راہشون حاجی رحمت اللہ بنگلزئی، ڈی پی سی شبیر احمد مری، حیدر علی، ایم این سی ایچ کوآرڈینیٹر سعید احمد و محکمہ جانجوڑی نا افسر آک بھلو کچ اسے ٹی بشخ ہلکر۔ شریدار آک پلے کارڈ و بینر ہرفیسر و الس اٹی شعور تالان کننگ آ زور شاغنگا۔