قومی اہمیت نا شونداری ڈٹ آتے وخت آ پورو کننگے، وزیراعظم

وزیراعظم محمد شہباز شریف پارینے کہ السی راجی آسودہی، روزگار نا وارخواہی ودی کننگ و مدامگی زرگزرانی شونداری نا دوئی کننگ کن شونداری ڈٹ آتا وخت آ پورو کننگ حکومت نا اولیت ءِ۔ او دا خیال آتا درشانی ءِ بنجائی وزیر ڈٹ بندی، شونداری و خصوصی گام گیج پروفیسر احسن اقبال تون ہیت وگپ کرسا کرے ہرا دوشنبے نادے وزیراعظم ہاؤس اٹی اوڑتون اوڑدہی کرے۔ وزیراعظم آفس نا میڈیا ونگ انا کنڈآن جاری بیان نا رداٹ اوڑدہی ٹی مچ آ ملک اٹی پبلک سیکٹر ڈویلپمنٹ پروگرام برجاشونداری ڈٹ آتا پیش رفت آ سرجمی اٹ ہیت وگپ مس۔ بنجائی وزیر وزیراعظم ءِ برجاشونداری ڈٹ، اوفتیا مروک آ پیش رفت و آخبت نا سج پام عمل نا بارواٹ معلومداری تس۔ وزیراعظم شہباز شریف پارت کرے کہ قومی اہمیت نا غٹ شونداری ڈٹ آتا بڑزکو آب ءِ برجا تخسا پن کروک وخت اٹ پورو کننگے۔ او پارے کہ السی راجی آسودہی، روزگار نا وارخواہی ودی کننگ و مدامگی زرگزرانی شونداری نا دوئی کننگ کن شونداری ڈٹ آتا وخت آ پورو کننگ حکومت نا اولیت ءِ۔