چین نا سعودی عرب نا وتواجہی و سلامتی نا شرفمندی آ زور

چین امریکہ و ایران نا نیام اٹ ودوک آ چک و تاڑ نا رد اٹ عودی عرب تون اوار کل ملک آتا وتواجہی و سلامتی نا شرفمندی آ زور شاغسا شاری میرات آتیا جلہو آتا مخالفت کرسا پارے کہ ڈیہہ اٹ امن و سوگوی نا بحالی کن سیاسی و سفارتی وسیلہ غاتے اولیت تننگے۔ بیجنگ اٹی پریس بریفنگ نا وخت آ چینی وزارت خارجہ نا ترجمان لِن جیان پارے کہ چین شاری میرات آتے شست کننگ نا سخت مخالفت ءِ کیک۔ او پارے کہ “سعودی عرب و ایلو کل ملک آتا وتواجہی و سلامتی نا شرفمندی ءِ کننگے”۔ لِن جیان مستی پارے کہ چین نا موقف ءِ کہ کل جھیڑہ غاتا ایسری ءِ سیاسی مذاکرات و سفارتی وسیلہ غاتے ٹی پٹنگے تانکہ نیامی دے ٹک اٹ زوت آن زوت امن و سوگوی بحال مننگ کے۔