کینیڈا تون شریداری ءِ پین سوگو کننگ کن سنبرینگوک اُن،نائب وزیراعظم اسحاق ڈار
اولیتی بشخ آتیٹی کمک ءِ ودفنگ خوانہ، کینیڈا نا وزیر خارجہ انیتا آنند نا اوڑدہی نا وخت آ گپ و تران
Get real time updates directly on you device, subscribe now.
نائب وزیراعظم و وزیر خارجہ سینیٹر محمد اسحاق ڈار تون کینیڈا نا وزیر خارجہ انیتا آنند اوڑدہی کرے۔ دوشنبے نادے آ وزارت خارجہ غان جاری بیان نا رداٹ اوڑدہی نا وخت آ فریق آک پاکستان و کینیڈا نا نیام اٹ ہڑتوم آ کنڈ آ تا تعلقداری تیٹی ساڑی پیش رفت نا جاچ ءِ ہلکر و علاقائی و جہانی باندات آتیا گپ و تران کریر۔ ہڑتوم آ سرکڑدہ غاک تین پہ تینی فائدہ غاتیا تالان شریداری ءِ پین سوگو کننگ نا عزم انا درشانی ءِ کریر۔ او اولیتی بشخ آتیٹی کمک ءِ ودفنگ آ امنا کریر و امنائی اسیجائی اعلامیہ غا عملدرآمد نا پیش رفت نا جاچ ءِ ہلنگ کن سالانہ دیوان اڈ تننگ نا فیصلہ کریر۔داکان مست نائب وزیراعظم و وزیر خارجہ سینیٹر محمد اسحاق ڈار وزارت خارجہ اسلام آباد آ بننگ آ کینیڈا نا وزیر خارجہ انیتا آنند ءِ بخیر کرے۔ دوشنبے نادے آ وزارت خارجہ غان جاری بیان نا رداٹ ہڑتوم آ راہشونک پاکستان و کینیڈا نا نیام اٹ ہڑتوم آ کنڈآتا تعلقداری تا غٹ پلوآتیا ن بیدس تین پہ تینی استخواہی نا علاقائی و جہانی باندات آتیا گپ و تران کریر۔ وزیر خارجہ انیتا آنند نا دا دورہ، وزارت ءِ سنبھالنگ آن پد پاکستان نا اونا اولیکو دورہ ءِ، وخت اس کہ کم و ود دہائی آن پد دا کینیڈا نا اسہ وزیر خارجہ اسے نا اولیکو دورہ پاکستان ہم ارے۔ دا دورہ پاکستان و کینیڈا نا تعلقداری تیٹی اسہ اہم مزل اسے نا حیثیت تخک و دا ہیت انا درشانی ءِ کیک کہ ہڑتوم آ ملک آک ہڑتوم آ کنڈآتا رابطہ غاتے ین سوگو کننگ کن سنبرینگوک ءُ۔