کشت وکشار و ریئل اسٹیٹ آ پوسکن ءُ خراج خلنگتنے، اسحاق ڈار

اسلام آباد :  وزیرخزانہ محمد اسحاق ڈار آئی ایم ایف تون مروک آ معاہدہ نا دستاویز آتے قومی اسمبلی ٹی پیش کرے وخت اس کہ او آئی ایم ایف تون مروک آ معاہدہ نا رداٹ کشت وکشار و ریئل سٹیٹ آ ہروڑنا پوسکن آ خراج نا تردید ءِ کرسا پارے کہ نن سخت انگا وخت ءِ کشانن، اسٹیٹ بینک انا رداٹ بروک آ اِراسال اٹی افراط زر کچ 7 درسد اسکان بریک ہرا ملک اکن اسہ جوان ءُ خبر اسے، نن سیاست ءِ اسہ کنڈتخسا بایدے میثاق معیشت کین۔ جمعہ نادے آ قومی اسمبلی ٹی گپ وتران کرسا اوپارے کہ دا ایوان ءِ پاریسن کہ آئی ایم ایف تون معاہدہ غا بطور وزیر خزانہ ی و گورنراسٹیٹ بینک داڑآدستخط کینہ و دانا کاپی اس داہاؤس ءِ ایتنہ۔ داکاریم شفافیت کن المی ءِ، داوڑناکہ انت پیش رفت اس مرے اوڑان ایوان نا شرفمند آ باسک آتے معلومدار کننگ المی ءِ، مستین اٹ ہم آئی ایم ایف تون معاہدہ مس، 1999ٹی ایمٹی دھماکہ غاتیان پد 8 تُو آئی ایم ایف نا پروگرام معطل مننگ آن پد بحال مس تو اونا سرجم آتے ویب سائٹ آ شاغاسن۔ اولیٹرآف انٹینٹ، میمورنڈم آف اکنامک اینڈ فنانسل پالیسیز و ٹیکنیکل میمورنڈم آف انڈر سٹینڈنگ نا کاپی تے لائبریری ٹی تخنگ کن پیش کرے تانکہ ہراسٹ دافتے ہُننگ کے۔ بنجائی وزیر خزانہ سینیٹر اسحاق ڈار پارینے کہ پاکستانی نا کوڑیک 14 بلین ڈالر آ سر مسنو‘ 5.3 بلین پرائیویٹ بینک آتتون‘ 8.7 بلین ڈالر اسٹیٹ بینک نا کوڑی تے ٹی ساڑی ءِ‘ کوشست کننگ اٹی ان کہ ملک ءِ زرگزرانی وڑ اٹ سوگو کین کان‘ دا خیال آتا درشانی ءِ او جمعہ نادے قومی اسمبلی نا دیوان اٹ کرے‘ او پارے کہ آئی ایم ایف تون ہرا معاہدہ ءِ کرین اونا سرجم تے ایوان اٹ پیش کننگ اٹی اٹ دانا مسخت دادے کہ پارلیمنٹ نا باسک آتے دانا سرجم تا سما مرے‘ آئی ایم ایف پروگرام نا سرجم تے پاننگ نا مسخت شفافیت ءِ‘ آئی ایم ایف تون معاہدہ غاتا کاپی ءِ اسمبلی نا لائبریری ٹی تخفنگ اٹی اٹ‘ آئی ایم ایف نا نہمیکو جاچ نومبر2022 ٹی ئس‘ دَہ ریویو فروری2023 ٹی مروئی ئس‘ یانزدمیکو ریویو2023 ٹی مروئی ئس‘ کریڈیبیلٹی نا گیپ انا سوب آن نہمیکو ریویو ہُرے آ مس‘ بجٹ2023-24 بس ولے نہمیکو ریویو متویسس‘ وزیرخزانہ اسحاق ڈار پارے کہ نن خراج نابابت منہ گام گیم کرین نن دوسَد و پانزدہ ارب نا گام گیج کین ہراتم بجٹ پاس مس تو اوکان گڈ نُُو تو انا ایگریمنٹ کرین ولدا پک مس کہ 200 ملین بنا ٹی ایتنہ‘ نُہمیکو ریویو نا بریبر ننے اسہ اعشاریہ اِرا ارب ڈالر رسینگانے۔ پاکستانی کوڑیک 14 بلین ڈالر آ سرمسنو‘ 5.3 بلین پرائیویٹ بینک آتتون ءُ‘ 8.7 بلین ڈالر اسٹیٹ بینک انا کوڑی تے ٹی ارے‘ ا وپارے کہ نن کوشست کننگ اٹی ان کہ ملک ءِ زرگزرانی وڑ اٹ سوگو کین کان۔

(اے پی پی)