اسپیشل انویسٹمنٹ فیسلی ٹیشن کونسل سیمینار آئی ٹی آ چکار نا ڈیک ئس، وزیراعظم

اسلام آباد : وزیراعظم محمد شہباز شریف پارینے کہ اسپیشل انویسٹمنٹ فیسلی ٹیشن کونسل نا کنڈآن تدوک آ دے پاکستان نا آئی ٹی لائخی تیان فائدہ ہرفنگ نا بابت قومی سیمینار پاکستان ءِ آئی ٹی نا مرکز جوڑ کننگ نا ننا اجتماعی عزم انا ڈیک ئس۔ جمعہ نادے آ تینا ٹویٹ اٹی اوپارے کہ دا سیمینار اٹی پبلک و پرائیویٹ سیکٹر نا ہمو غٹ اسٹیک ہولڈر آک بشخ ہلکر ہرافک آئی ٹی انقلاب نا بنداو ءِ تخاسر ہرانا ملک ءِ بھاز گرج ءِ۔ اوپارے کہ پاکستان تون اِرٹ آن مسہ سال اٹی تینا آئی ٹی برآمد آتے 25 ارب ڈالر اسکان ودفنگ کن غٹ عوامل ساڑی ءِ۔ اوپارے کہ انفارمیشن ٹیکنالوجی نا بشخ اٹی زرکاری دمدستی انعام و کٹیا دوئی کننگ کیک و ننا بے روزگاری نا ویل ءِ ایسر کننگ اٹ بھاز مون آ ہِننگ کیک۔ دا کونسل حکومت نا نقطہ نظر نا نمائندگی ءِ کیک، آئی ٹی، کشت وکشار، کانڑو معدنیات و دفاعی پیدوار نا بشخ آتیٹی پالیسی نا چرجوئی و پیشن گوئی نا فراوانی ءِ پک کیک۔ وزیراعظم پارے کہ حکومت آک بدل مرسا کریر ولے زرگزرانی بحالی نا ڈٹ آتے ہندا توانائی و جوزہ اٹ نافذ کننگک۔ اوپارے کہ آئی ٹی انڈسٹری ءِ ہمو غٹ آسراتی دُوبریک ہرافتا اودے ون ونڈو نا بست وبند نا رداٹ شونداری کننگ نا گرج ءِ۔ وزیراعظم پارے کہ داسہ دا صنعت تون وابستہ راہشون تیا ٹی ءِ کہ او زیات آن زیات وارخواہی تیان فائدہ ہرفر۔ کنے دا موقع غا شونداری نا اوفتا لائخی آ پورو بھروسہ ءِ۔

(اے پی پی)